هه‌رێما كوردستانێ ـ عێراق

ئه‌نجومه‌نێ وه‌زیران

وه‌زاره‌تا كاره‌بێ

رێڤه‌به‌ریا گشى یا كاره‌با پارێزگه‌ها دهوك


وه‌زیرێ كاره‌بێ پێشوازی ل دكتور كمال كركوكی وشاندێ دگه‌ل دا كر
Untitled document

ل رێكه‌فتی 2019/9/24 ئه‌ندازیار كمال محمد صالح وه‌زیرێ كاره‌بێ پێشوازی ل دكتور كمال كركوكی ئه‌ندامێ مه‌كته‌با سیاسیا پارتی دیموكراتی كوردستان وسه‌روكێ ئه‌نجومه‌نێ سه‌ركردیه‌تیا پارتی ل كه‌ركوك وگه‌رمیان وشاندێ دگه‌ل دا كر .

دچافپێكه‌ فتنه‌كێدا كو راوێژكارێ وه‌زارتێ ورێڤه‌به‌رێ گشتی یێ به‌رهه‌مئینانێ و ڤه‌گوهاستنا كاره‌بێ دئاماده‌بون وه‌زیرێ كاره‌بێ ب خێرهاتنا شاندێ مێهڤان كر ولسه‌ر ره‌وشا كاره‌بێ ئاخفتن .

دكتور كمال كركوكی خوشحالیا خو دیار كر بو وان هه‌ول وبزاڤێن دهێنه‌ كرن دبوارێ به‌رهه‌مئینان وفه‌گوهاستن وبه‌لافكرنا كاره‌بێدا وداخوازا سه‌ركه‌فتنێ بو وه‌زاره‌تێ خواست دئه‌ركێ وێدا وخزمه‌تا هاولاتیێن كوردستانێ بكه‌ت .

د ته‌وه‌ره‌كێ دیدارێدا ئه‌ندازیار كمال محمد صالح وه‌زیرێ كاره‌بێ كوتی :( كێشه‌یا كاره‌بێ ل هه‌رێمێ نه‌بتنێ به‌رهه‌م ئینانه‌ لێ دێ جه‌وا كونترول كه‌ین ورێكئێخین ب سیسته‌مه‌كێ باش . مه ‌ژڤی لایڤه‌ بینگاڤێن باش هافیتینه‌ ). سه‌باره‌ت كاره‌با پارێزگه‌ها كه‌ركوكێ وه‌زیرێ كاره‌بێ ئاماژه‌ ب وێ جه‌ندێ كر كو حكومه‌تا هه‌رێما كوردستانێ دێ پێگیریێ ب وێ رێككه‌فتنێ كه‌ت كو كاره‌بێ بده‌نه‌ كه‌ركوكێ ونوكه‌ وه‌زاره‌تا كاره‌بێ (100) مێگاواتێن كاره‌بێ دده‌تێ لێ یافه‌ره‌ لایه‌نێ دی ژی پێگریێ بكه‌ن .

دهه‌مان روژدا وه‌زیرێ كاره‌بێ پێشوازی ل فه‌ریق جمال سوپا سالار ل وه‌زاره‌تا پێشمه‌رگه‌ یێ كوردستانێ وشاندێ دگه‌ل دا كر شاندێ مێهڤان داخوازا سه‌ركه‌فتنێ بو وه‌زیرێ كاربێ دئه‌ ركێ وی یێ نوی داكر دهه‌مان ده‌م دا وه‌زیرێ كاره‌بێ سوپاسیا وان كر ژبو سه‌ره‌دانا وان ورولێ هێزا پێشمه‌رگه‌ی بلند نرخاند ژبو پاراستنا ئارامیێ ل كوردستانێ ورولێ وێ دئاڤه‌ دانكرنێدا دگه‌له‌ك سه‌كته‌راندا وپاشی ب كورتی به‌حس لسه‌ر هنده‌ك بێنگاڤێن وه‌زاره‌تێ وكارێن وێ  بو سوپاسالاری وشاندێ دگه‌ل دا كر .

ب درێژاهیا وان چافپێكه‌ فتن وپێشوازیان دا وه‌زیرێ كاره‌بێ دگه‌ل شێخ جه‌مال به‌رپرسێ كومپانیا به‌ندیر وشاندێ دگه‌ل دا روینشت وبه‌حس لسه‌ر چه‌وانیا ب كارخستنا وێستگه‌ها (29) مێگاواتیا سلێمانیێ كر ئه‌وا كوژبه‌رقه‌یرانا دارایی ونه‌بونا سوته‌مه‌نیێ هاتیه‌ راوستاندن وه‌زیرێ كاره‌بێ سوز دا وێ كومپانیێ كو هه‌می ئاسته‌نگ و كێشه‌یێن وێ جاره‌ سه‌ر بكه‌ت وهه‌رنوكه‌ ئه‌و بزاف یا دهێته‌ كرن . وێستگه‌ها (29) مێگاواتیا سلێمانیێ ده‌مێ سوته‌ مه‌نی بو دهێته‌ دان دێ شێت به‌رده‌وام (25) مێگاواتێن كاره‌بێ به‌رهه‌م بینیت وبكه‌فیته‌ سه‌ر تورا كاره‌با نیشتێمانی یاكوردستانێ. 

 

2019-09-29
31
گوڤارا رێڤه‌به‌ریێ 2011 - 2017
ئه‌لبوما وێنه‌یان
زێده‌تر
كاریكاتور
سه‌ره‌دان
نوكه‌ ل سه‌ر هێلێ:8
سه‌ره‌دانێن ئه‌ڤرو: 200
سه‌ره‌دانێن ئه‌ڤێ مه‌هێ: 7628
سه‌ره‌دانێن گشتی: 602667
Copyright 2014, All rights Reserved. Developed by: Galwan Khalid